Marekani Yaweka Kodi Mpya ya 1% kwa Fedha Zinazotumwa Nje ya Nchi (Remittances)

Marekani kutekeleza kodi mpya ya 1% kwa baadhi ya miamala ya kutuma fedha kimataifa (remittances). Kodi hiyo ni excise tax na imeanzishwa chini ya sheria mpya iitwayo “One Big Beautiful Bill Act” (OBBBA), kifungu cha 70604.

Kwa mujibu wa maelezo rasmi, kodi hii itatozwa tu pale mtumaji anapotumia pesa taslimu (cash), money order, au cashier’s check kulipia huduma ya kutuma fedha. Miamala ya kidijitali—ikiwemo kutuma fedha kupitia akaunti ya benki, kadi za debit au credit, pamoja na pochi za kidijitali—haitatozwa kodi hiyo.

Kodi Hii Ni Nini?
Ni kodi ya 1% kwa miamala fulani ya kutuma fedha nje ya Marekani.
Hukusanywa na kampuni ya kutuma fedha (remittance provider) na kuwasilishwa kwa IRS.

Si punguzo la moja kwa moja kwa fedha anazopokea mpokeaji, bali huongezwa kwenye gharama za mtumaji.

Namna Kodi Itatozwa ?
Kodi itatumika pale mtumaji anapolipia huduma ya kutuma fedha kwa:
Pesa taslimu (cash)
Money order
Cashier’s check

Namna ya Kuepuka na Kodi? (Imeondolewa Kodi)
Hakutakuwa na kodi ya 1% endapo fedha zitatumwa kwa:
Akaunti ya benki ya Marekani
Kadi ya debit au credit iliyotolewa Marekani
Pochi za kidijitali kama Google Pay au Apple Pay
Kadi za prepaid

Taarifa Muhimu kwa Jamii
Tarehe ya kuanza: 1 Januari 2026
Sheria: One Big Beautiful Bill Act (OBBBA)
Athari: Wataalamu wanasema kodi hii itaongeza gharama zilizopo za kutuma fedha na itaathiri zaidi wahamiaji wa kipato cha chini wanaotegemea njia za pesa taslimu kusaidia familia zao nje ya nchi.

Kwa Lugha Rahisi
Ukituma fedha nje ya nchi kwa kutumia cash au hundi dukani, utalipa asilimia 1 ya ziada.
Ukituma mtandaoni au kwa kutumia kadi/akaunti ya benki, hutalipa kodi hiyo.
Msimulizi Community News itaendelea kufuatilia athari za sera hii mpya kwa jamii za diaspora na familia zinazotegemea remittances duniani kote.

Msimulizi is now on the Whattsup Channel. Click here